Втората Европска недела на можности се одржа од 23. до 27. септември 2024 година. На крајот на неделата се одржаа серија на панели и информативни сесии во Ниш, со фокус на локалниот развој, територијалната соработка и зелена транзиција.
Програмата беше отворена со воведни обраќања од амбасадорот на ЕУ во Србија, Емануеле Жиофре, министерката за европски интеграции, Тања Мишчевиќ, заменик-министерот за локална самоуправа на Северна Македонија, Ерџан Селими и градоначалникот на Ниш, Драгослав Павловиќ.
За време на настанот, беа доделени сертификати на сите добитници на грантови од вториот повик на програмата Србија-Северна Македонија, кои ги претставуваат клучните партнери од двете земји, вклучувајќи локални власти, училишта, јавни комунални претпријатија и организации на граѓанското општество.
Претставниците ја нагласија важноста на активното учество на сите заинтересирани страни во програмите со кои Европската унија им помага на граѓаните, организациите и јавната администрација во Србија и во другите соседни земји.
Темата на првиот панел беше важноста на соработката меѓу различни региони на европско ниво. Помошничката на министерката за европски интеграции, Санда Шимиќ, истакна значењето на вклучувањето на сите во процесите на консултации околу прекуграничните програми, нагласувајќи дека членството во Европската унија е важно, бидејќи таквите програми носат значително поголеми средства.
Денот продолжи со претставување на различни можности во рамките на програмата INTERREG – од оние со земји-членки на ЕУ (Хрватска, Бугарија, Романија и Унгарија), преку соработка со земји што се во процес на проширување (Црна Гора, Босна и Херцеговина, Северна Македонија), до програми со поширок опсег, како што се Адрион, соработка во регионот на Дунав или Урбакта. Исто така, беше промовиран и новиот повик за поднесување предлози за проекти во рамките на програмата Србија-Северна Македонија, кој е отворен до 22. октомври 2024 година.
