Со цел да се обезбеди спроведување на Програмата за прекугранична соработка меѓу Србија и Северна Македонија, беше донесена повеќегодишна одлука за финансирање на Програмата, која ја сочинува повеќегодишната работна програма за периодот 2021-2027 година.
Европската комисија ја усвои новата Програма за прекугранична соработка IPA III СРБИЈА – СЕВЕРНА МАКЕДОНИЈА за периодот 2021-2027 година на ИПА Комитетот одржан на 3 јуни 2022 година. Вкупната вредност на оваа програма е 9.734.117,65 милиони евра, од кои финансирањето од ЕУ изнесува 8.400.000 евра. Општата цел на Програмата за прекугранична соработка меѓу Србија и Македонија е да промовира добрососедски односи, да ја поттикне интеграцијата во ЕУ и да придонесе за социјалниот, економскиот и територијалниот развој на прекуграничната област на програмата преку подобрување на социјалната и културната инклузија и здравството, како и преку развој на одржлив туризам.
Програмата е поделена на тематски групи и приоритети:
ТК 1: Подобрени можности за вработување и социјални права.
ТП1: Вработување, мобилност на работната сила и социјална и културна прекугранична инклузија;
СО: Подобрување на социјалната и културната инклузија и здравјето.
ТК 4: Подобрена деловна средина и конкурентност.
ТП5: Зајакнување на туризмот и културното и природното наследство;
СО: Подобрување на културното и природното наследство во насока на одржлив развој на туризмот.
